Kryeministri i Shqipërisë, Edi Rama ka thënë se parafinancimin që përfiton shteti shqiptar, në kuadër të Planit të Rritjes së BE-së për të vijuar rrugën drejt integrimit në Bashkimin Evropian, është si rezultat i përmbushjes së detyrave nga qeveria.

Në një lidhje direkte në Facebook, Rama theksoi se bëhet fjalë për 64.5 milionë euro që vijnë drejtpërdrejtë nga BEn për Shqipërinë,

“Shpejtësia në marrjen e financimit do të thotë përmbushje e detyrave sipas kalendarit dhe programit, se ne nuk kemi program (qesh) të dakordësuar për ecurinë e mëtejshme. Bëhet fjalë për 64.5 milionë euro që vijnë drejtpërdrejtë nga bashkimi Europian për Shqipërinë, 30 milionë euro janë për buxhetin e shtetit si mbështetje për reformat e agjendës kombëtare të reformave dhe 34 kalojnë përmes Fondit të Investimeve për Ballkanin në infrastrukturë. Besoj se kjo është një tjetër shenjë shumë e qartë e faktit që ne jemi duke ecur me shpejtësi për t’u anëtarësuar në Bashkimin Europian”, tha Rama./Arbresh.info